قصيدة : لجتي لجت خلوج تحنس بالمراح كلمات عبدالله بن عون

الشاعر : عبدالله بن عون

لــجــتـــي لـجـت خـــلوجٍ تـحنّس  بالمراح
تــنــدفــع وتـــعـــود لا اتـلا العـهد  بــحوارهـا

حـنـجــةٍ في حروتــه ماتـبي عـنها  مراح
ولالـــهــــا مــــن حيله إلا هاميـل  اعبارهـا

من غروب الشمس لين انبلج نور الصباح
مـامـرحـت مـن مـاهـجـدها ولاامـرح جارها

ويـــــوم قال مؤذن الفجر حــيـا  للفلاح
هملجت عينه وهي ريـضٍ  مــشــوارهــا

وجـدها بالمثل وجدي عـلى ظبي الـبراح
درةٍ وسـط البحر مـفلسٍ  بـحارهــا

العشير اللي بـعد راح معه الـقلب راح
وافـترق شـمل الأحبه بدون  اخيارها

يـاعذولي كـف عذلك وكف  الأقتراح
مقدر اسكـن في دياراً ماهيب اديارها

لو شـوتـني نارها لين تنجحني نجاح
ابـــــرك الحزات يوم احترق في  نارها
 

سدات الغيوب ,. !

 الشاعر : سعد بن جدلان

علموا اللي كل يوم ٍ يقابلنا بثوب
ما يخدرنا كلامه مع من خدّره

إن لقينا اللعب نزحف مع جو ٍ لعوب
وان هبطنا سوق طيب ٍ خذينا ندّره

العرب ما هيب تعلم مسدات الغيوب
و وارد الما ما يدلّه يكود مصدّره

ولا تجيك الحصبه إلا من فراش محصوب
وحبة الجدري تجي من فراش مجدّره

والمحب اذنيه ماهيب تسمع للعيوب
و العدو لا درهمت به تجي متحدّره

دامت الأخلاق يملك بها الواحد شعوب
ياجب انها في جميع الامور مبدّره
 
و ان لقيناها طويله و موخرها سحوب
و المرض فيها فحوله تهيّج فدّره

ان قدرنا نقفل الباب من دون الهبوب
ولاّ جا درب لنا و القني مسدّره

الأصايل كل يوم تلافح بالكعوب
و الردي لا عيّن اللي يهينه قدّره

ولا تعرف حسابك إلا ليا صرت محسوب
وشرهة القادر على العالم المتقدره
 
فالمقابل نفتح له دواليب القلوب    
و المقفي قلعة الوادرين تودّره

يا صاحبي خل قلبي يدله أحلا له

الشاعر : سعد بن جدلان

يا صاحبي خل قلبي يدله أحلا له
يمكن إليا سج من ذكراكم أريح لي

أعرف ملامح عيونك و يش تعنا له
لا صار مانته بصادق لا تلمح لي

الوضع مزري ويؤسف له و يرثى له
حاول على وضع يصلح لك و يصلح لي

و اليا متآنا وحنّا على ذا الحاله
تقودني للخطأ و أخطي و تسمح لي

الشيله :

ياناس قولوا لغض العود ..

 الشاعر: احمد الناصر الشايع ..

ياناس قولوا لغض العود
تكفون ياناس قولو له

ما اشوف له من عذابي زود
كثر التصاديد وش هو له

ابو ثليل اشقر مرجود
اسمع بذكره ولا اطوله

وعيون نجل هدبهن سود
يذبح بهن من يجي حوله

ياكثر الأزوال بيض وسود
ماهم بمثله ولا حوله

عقب المودة جفا وأصدود
ماشفت زول مثل زوله

إن مت ابا القى عليه اشهود
 عنقه وخده ومجدوله

أسهر وكل العيون رقود
اليا تباطيت مرسوله

يازين حبل الهوى ممدود
لكن سجاياه مجهوله

غصن الحنين ..

الشاعر: حمد السعيد ..

اهتز غصن الحنين وطاحت اوراق ابيك ..
من ريح فرقاك مير الله ستر ماانكسر ..

واسقيتها الذكريات واردفت هذي بذيك ..
واستورق بلا تغيب ولا يطول الهجر ..

تلاحق الي تبقى من الغلا بين ايديك ..
وش يجمعه لو تطول غيبتك وانتثر ..

يتلني شوق لك رحمه على والديك ..
ماني بقد الصبر ولا انت قد الصبر ..

شف حالتي فالغياب اشكيك منك واليك ..
هم برى الحال وعيون ذبحها السهر ..

وش يمنعك لاتواصلني وانا اموت فيك ..
ظروف ليله ثلاث اسبوع ياخيّ شهر ..

كمّلت ثالث وانا كليّ شغلني عليك ..
ثلثين قلبي يباس وثلث باقي خضر ..

إن ماسقيته وصل ماعاد هو مرتجيك ..
باكر إليّا هبت الجوزاء يطير الشجر ..
 
صبري على غيبتك باسم الغلا مشتريك ..
لا فارق وسع عين ولا انت فارق خصر ..

في غفلة من زماني كنها تحتريك ..
غنت مقادير روحي لين جابك قدر ..

مريتها كنك الطرقي قبل تهتويك ..
من شفت زولك وخفاقي يكر الجمر ..

ألين قهواك شعر من الغزل يحتويك ..
من يومها وانت لامن جيت فالمختصر ..

واليوم في غيبتك ماني بعاجز لا جيك ..
لكني اخاف لامن جيت مالي قدر ..

ابيك واكذب عليك ان قلت ما تشتهيك ..
مشاعري يا نظر عيني وكلك نظر ..
 
اما احتضنها وصل والا تسلم عليك ..
تلقى بدالي وانا بشحد زماني صبر ..

البارحه يوم الاوادم خواشيع ..

الشاعر:سعد بن جدلان الأكلبي ..

البارحـه يـــــــوم الاوادم خواشـيـع 

في نومها وانا على الكـوع واعـي 

هم(ن)يمزع سترة القلـب تمـــزيـع 

تقول ينهــش ثومة القلـب افاعـي 

خذت القلم من بين روس الاصابيع 

وحبيت اميز سيرتـي وانطباعـي 

عزلت من صدقان عطل الاسابيـع 

وعزلت من ضحك الوجيه الصناعي 

وعزلت من بني(ن) بامالي مشاريـع 

جميد برد ولانس الشمـس ماعـي 

وعزلت من زرع الخلـي البــلاقيـع 

وعزلت من رفــــع الثنيـه رباعـي 

من نفعة اللـي ماطلبنـي منافيـع 

جميلة(ن)في غير اهلهـا ضياعـي 

في اسواقها ماعاد لشري ولابيـع 

لخطيت من رفقة طويـل الـــذراعـي 

اللي على الرفقه يسوقـه دوافيـع 

هـذاك تشـرى رفقتـه ماتبــاعـي 

امايشجعني على الطيـب تشجيـع 

والايعلمنـي حمــــــيـد المسـاعـي 

والا ليـــامنـه رمعـنـي روامـيـــــــع 

وضاقت على كل الفجوج الوساعي 

جيته ويسرلي عســــيـر المواضيـع 

وخلاخفايا خاطـري لـه وســـاعـي 

معرفتـه ماهـي معرفـة طماميـع 

ماتنتـج الاالغطرسـه والضيـاعـي

 

طلح الشجن ..

الشعر:نايف صقر ..

نار الحطب صفرا وزفراتها زرق 

يذكر بها الأخضر ليالي جفافه

لشموسها شبيت في سدرة الشرق

واطعمتها طلح الشجن والحسافه

لعلي اكتب من لحون الدفا طرق

والا اجمع التمر لمواسم خرافه

والشاعر اللي يجهل النوح والورق

يغيب عن بال التباريح قافه

الشعر انا حادي مجاهيمه الزرق

اللي ترزم لي حنين ولطافه

بيني وبين اللي يغنون به فرق

لاني اشقي به واحبه واخافه

والمزنه اللي شب في قطنها البرق

سالت ونستها الرعود ارتجافه

احبكك ..

الشاعر: عبدالله علوش .؛

أحبك واستحي منك ولا أدري ويش اسويبك

أخاف اصارحك تزعل واخاف اسكت تعذبني 

أحبك واحترم طبعك وتعجبني ( عذاريــــبك )

أحبك يابعد رووحي ولو حبــك يعذربـــــــــني

أحبك وانت ماتدري احبك حيل وادريبــك 

قليل الي خلقه الله مثلك يامصـوبــــــــني 

أحبك والدليل اني احبك شف مضاريبـك

شف احوالي وشف حالي نحيله وش مذوبني

أحبك كان ترضابي أنا من العام راضيبك 

وأجنب عنك يالغالي اذا بتقول جنبـــــــنــــي

أحبك واستمع شورك وت فكيرك وترتيبك 

أحبك وأرتجي عطفك وصمتِ فيك يجذبني

أحبك واستحي منك ولا أدري ويش اسويبك

أخاف اصارحك تزعل واخاف اسكت تعذبني 

يجيبك الششوق ولاتجبك الحاجه ..!

الشاعر: محمد مريبد العازمي ..

يجـيبك آلشوق ولآ تجيبك الحاجه

مصيرك آليـآ صفعك آلوقـت تذكـرنـي

آقفيت وآلحــزن عقبك هبت آدرآجه

ولآ بقى آلآ قصيدي فيك يجبرنـي

قبــلك سمحت وهجـرت العشق وآدرآجـه

وآلشـــكـر للـــه قـبل آلروح تشكرنـي

وجيتك وسلمتني قلبك ومزلآجــه

وآصبحت تنهي على كيفك وتآمرني

كنت آحسب آنك طبيب آلقلب وعلآجــه

وآثرك تدور على آدنى شي وتكسرني

تسهر وترقد وشوقك طآفي سرآجه

وآنآ آتململ وطآري آلشوق مســهرنـي

يـآمن بكــآه آلقـصـيـد آلعذب وآنتـــآجــهـه 

آلله على كل طعنه منك يأجرنـي

يمكن مع الوقت حظي يضحك حجاجه

يجيبك الله تقول ابطيت .. واعذرني

الله اكبر على المزيون - اداء محمد فهد

خليل الشبرمي - اتركيني ياعزيزه للشتات

الشاعر : خليل الشبرمي

اتركيني ياعزيزة للشتات
والعنا والبعد والليل الطويل

وريحيني من غموض المفردات
وكبرياء الكذب والعذر الهزيل

وحاصريني صمت من كل الجهات
واذبحيني بوح في نبرة عليل

واسألي غدر اليدين الناعمات
عن ثلاث طعون في صدر القتيل

وافرحي لاقيل فارقت الحياة
وزغردي لاشيعوا جثة خليل

وكل شي بينيا يابنت مات
ولابقى بعد الرحيل الا الرحيل

وانتهت رحلة ثمان الطايرات
وابتدت قصة لقانا المستحيل

كنتي أجمل من رأيت من البنات
ومالك بعيني مثيل ولا بديل

وصرتي أشنع جرح وابشع ذكريات
للانانيــة ونكــــران الــجميل

ولاتبقى من غلاك الا الرفات
ولاتلاشى من عناي الا القليل

ودعيني يوم فقت من السبات
ولاتعديني سوى عابر سبيل

اقترف في حق نفسه سيئات
ولا يكفرها سوى البعد الطويل 

مقطع صوتي :

 

قصيدة حب الخشوم

 الشاعر : بدر بن غازي

بعـض المواقـف تجـرح الرجـال وتجـيـب العـلـوم
والـدرب أحـد يمشـي ياليـن أتـلاه وألا أحـدٍ قصـر


الـدرب مايبغـى ضعـيـف البـصـر هــزّاع الـعـزوم
اللـي يهـرول فـي السعـه وإيضيـع حـزّات العسـر


ياهاجسي وجه الخصوص آدق من وجه العموم!
وأنـا بشـر وآشـوف والإنـسـان لــه وجـهـة نـظـر


أحـدٍ يعـوم البحْـر وأحـدٍ فـي البـحـر يعـجـز يـعـوم
واللي مايعرف للبحـر حـذرى لايغـرق فـي البحـر


ياصـاحـبـي والله مـانــي طـالــبٍ شــــئ إمــعــدوم
الـمـعـرفـه لــهــا ضــوابــط مايكنـسـلـهـا الــعــذر


واللي مايآقف مع رفيقه لاحضر وقت اللـزوم...؟
وقـــت الـغـنـاه الله يـغـنـي عـنــه والـدنـيــا عــبــر


ماللجـمـالـه غـيــر طـلـقـيـن الـمـحـيـا والــقــروم
اللي ليا ضـآق الدهـر تسطـي علـى ضيـق الدهـر


والصامل اللي يشتري في السوق لوغيره يسـوم
والغاليـه يـفـرق فــي سومتـهـا ولــو زاد السـعـر


والــلــي تـثـنّــى دونــهـــا يالله جـعــلــه مـايــقــوم
هــذاك لاتحـسـب علـيـه إلـيـا ظـهـر نــاب القـشـر


وأهـل الوفـا تُعـرف ولافيـهـا عـلامـات وْ وســوم
وقفاتـهـم تنبـيـك عنـهـم كـــلّ مـاشــان الـقــدر..!!


والـهـرج مايغـنـي ولايـشـبـع ولا يـنـصـر رخـــوم
وأكبر دليل [ الغرب الأولى عقب ماكانت مصر! ]


والصبـر مفتـاح الفـرج والـعـدْل حــلاّل الخـصـوم
والــرجــل يـاطـيـبــه لـيـامـنّــه تــحـــلاّ بـالـصـبــر


وطلبـة بـنـي عـمّـك لاتـرخـص والليـالـي مـاتـدوم
إن كـان ماتحرجـك عطهـا وإحتسـب فيهـا الآجـر


وبعـض المواقـف دونهـا لايقنعـك حـب الخـشـوم
!آخيـر مـن قصـر المهـونـه عــزّك إبـوسـط القـبـر


معك .. معك .. يالين تآصل وقت زرقات السهـوم
وما دامها ماهي معـك فـإضـرب متاهـات الخطـر


والـرحـلـة الـلــي كـلـهـا ذهـــاب مافـيـهـا قــــدوم
لاتحـسـب الـلـي ودّعــك فـيـهـا لـشـوفــك ينـتـظـر


أقولـهـا فــي بـيـوت شـعـرٍ تختـصـر كــل الـعـلـوم
وأنا بشر وآشوف والإنسان لـه وجهـة نظـر ...!!

الشيلة : 

 

صب لي ياآنور عيني من الدله

الشاعر : فيصل الرياحي رحمه الله ,

صب لي ياآنور عيني من الدله
كآنكـ أنت اللي من أجلي مسويهآ

دلتكـ تسوى دلال البلد كلًه
طعمهآ مملوح من طعم رآعيهآ

وردةً فى الفله أحلى من الفله
ليتهآ تعرض على البآع وشريهآ

أقدر أسيطر على البيت وآحتله
صآر ملكي لادفعت الثمن فيهآ

يستريح الخل ويعيش مع خله
فرصةً في العمر طآبت ليآليهآ

الهوى وردً قطآفه على حله
آه يآمحلى الورود وتواميهآ

الورود اللي من الغيث مبتله
والندى في الصبح كنه يحييهآ

والهوى غصنً تريحت في ظله
مآلت أورآقه ومآلت ثماريهآ

آنآ مآ وله من الشمس مآ وله
مآيدآني الشمس ونآ مدآنيهآ

صب لي يآنور عيني من الدله
كآنكـ أنت اللي من أجلي مسويهآ

ودنا بالطيب

الشاعر : سعد بن جدلان

ودنا بالطيب لكن الدهر جحاد طيب

كل ما تخلص مع الناس كنك تغشها

يدك لامدت وفاء لاتحرى وش تجيب

كان جاتك سالمه حب يدك وخشها

كل ماشبيت نار المحبه مع حبيب

قام يسحل في مشاهيبها ويرشها

وكل ما واجهت لك فالزمن وجه غريب

مثل ماقال المثل دام تمشي مشها

وذمةٍ ماهيب تندار للحق المصيب

جعل قشاش الحطب لاسرح يقتشها